أدب وفن

قَصّة الشَّعر /قصة قصيرة بالمحكي / بقلم الشاعر ابراهيم شحرور

الشاعر إبراهيم شحرور

قَصّة الشَعر
“””””””””””
اليوم رحت عند الحلّاق ، لقيت الصالون عم يصوفر . بتزتّ “الشَفره” بتسمع رنّتا .

سألت المعلّم حسين : شو القصّه ؟ ( بضمّ القاف)
قلّي والله يا دكتور وصلت “الموس” لدقننا .
الزبون اللي كان يجي تلات مرّات عم يجي مرّه .
وفي ناس مش عم شوفا بالمرّه .
بعد ما صرفنا عالديكور ، بيننا وبين الإفلاس “شَعره” .

هوّي وعم يقصلّي ما قدرت ما فكّر ب “قصّة الشَعر” يعني ال “Haircut “
ال عم يوعدونا فيها وهيي الاقتطاع من ودائع الناس بالمصارف ومش بس من الديون .

قلتلّو بتعرف يا حسين إنّو الحقّ علينا .
قلّي : كيف يعني ؟
قلتلّو نحنا اللي جبنا “الأقرع ” تا يشجّعنا .
مش بس ّ كشّف عن قرعتو وفزّعنا
حلقلنا ” عَ الناشف ” كمان .
منستاهل !

مقالات ذات صلة

زر الذهاب إلى الأعلى