أدب وفن

أقمار …بقلم الشاعر ورد العبدالله

اقمار

وْ كِانوا عَ خَطّ النّار
عَمْ يُصْرفوا … إيّامهُن
مِتْل الفَجِر … كِانوا
عَم يِفْتَحوا بْوِاب العَتِم
حَتّى … يِجي لِ نْهار
حامِل مَعو … أحلِامهُن

كِانوا … عَ خَطّ النار
عَم يِكْرجوا دَمِّاتهُن
ما في نَبي جوّاتهن
وْ كِانوا مِتِل … لِ قْمار
وِالشَّمس …
… قِدِّامهُن …
بِتْخَبّر حْكِايِاتهُن
فِيها بَلَد … مِنْهار
وْ مَعْها … رِضى إمِّاتهُن

وْ كِان البَلَد … عا إيدهُن
يِمْكن بَعِد … ما صار
داروا عَ مين يْزيدهُن
كِانت … كأنّا نَشَّفِت
بي وَقْتها الأنهار …
داروا … عَ مين يْلِمّهُن
بَسْ … ما لَقوا أفكار

سِهْيِت … كَأنّ عْيونهُن
فِاقوا وْ … لَقوا إنُّن
… صاروا …
جَمِر … بالدّار …

مقالات ذات صلة

زر الذهاب إلى الأعلى