الصوره لَ ختيار صيني مصاب ب كورونا كان صرلو شهر بالحجر وطلب من الطبيب يوقف شوي
تا يشوف الشمس . الصورة انتشرت وفي ناس أطلقو عليها عنوان : ” الغروب الأخير “.
تخايلت هالمريض عم يقول للطبيب:
آخر غروب
“”””””””””
عا شمس آخر يوم فرجيني
تا قلّها “نيهاو” – بالصيني –
عوّدت حالي عا حبال الضوّ
أنشر تيابي وْأنشر … سْنيني
تْعوّدت من كيس المصل بالجوّ
أشحط العتمِه من … شراييني
صرلي عمر كلْما عَ نومي بْفُوت
ما في حدا غيرا يوعّيني
وهلّق قبال الشمس حابب مُوت
قدّيْش حلوِه كون بالتابوت
وتطلع الشمس …وْما تلاقيني .
