قبل بوقتْ كان في وقتْ
حِبّك ع مهلي منيحْ
اقعد ع مصطبة الأنا
عبّي خرزْ أزرقْ بخيط الريحْ
كان في سما
اسما سما عن جدّ
كان في شتي حربوق
كلما خيوطي شدّ
احسب ع صابيعي الشجر
موّنْ غيابك عدّ
قبل بوقت كان في وقتْ
هلق وقت ما في
بدي حدا حبّو بلا ماخبّرو
ويحبّني ويكون ما عندي خبر
وصدفي إذا المعنى انكسرْ
ودقّ الوهم بابِك
وبيد الشمس مقروص خدّ الفيّ
متل المسيح لي مشي عالميّ
بمشي على غيابِك
