آية وَحي

‘‘للإمام الحُسَين”

لمّا انجَرَح… بي كَربَلا دَمَّكْ
تْراب الأرِض… شو جَرَّب يضُمَكْ
ودَمَّك سَما… ما بيندَفَن بتراب
بخَيط المَدى: قونة شَمِس الغياب
والله بإيدو بينزَل يلِمَّكْ

جِسمَك وِقِع قَبلَك… رَكَع صَلّا
تْوَضّا بِدَمّو اللَيل واتجلّا
وتَ تِكْتُب التاريخ عَ إيدَيْك
آية وحي… وتْجَوِّدا عينَيك
مْسِكت القَلم بْ تنين تَ علاّ
إسم الجلالة حروف صَبيعَك
بَيّن على إيدَك إسِم الله