يا ريت لو بتفوتْ
وبتشوف إنّو الرّوح
بسّ بدّها كتفْ
حتّى عليه تنوح
وإيد تمسح دمعها
تبلسم بلطف جروح
وتحضن قلب ممقوتْ
مهما قست الظّروفْ
بالسرّ ما بيبوح
وبالصّدر رح بتشوفْ
باب القفص مفتوح
وصورة كبيرة كتير
منها وقع طيفك
وتعرف وقت بيروح
فجأة حبيب الرّوح
نبض القلب بيموتْ
وبتصير هالدّنيا عتم
وبدر الهنا مكسوفْ
وعُمر بحبر الشّقا ملتوتْ
شو بقول يا عيني؟
وشو بقول يا روحي؟
طيفك بقلبي
مهما بعدت
بِ مهجتي منحوتْ
وكيف بدّي طِيبْ
وإنت بكفّي
خاتم ومثبوتْ
ورسمك بقلبه
حصّ من ياقوتْ
يا ريت لو بتفوتْ
الشاعر حسن عليّ شرارة
