في #يوم #الشعر #العالمي
يا ريت كل السياسيين شعرا ….اذا كذبو بكونو عم يفتشو عن الحقيقة…. و يبطلو كذب ..!!!
يا ريتهن متل الشعرا بجيبو كلمة من الشرق و كلمة من الغرب و يعملو منهن تحفة … و يقدرو يجمعو يلي مستحيل ينجمع
يا ريتهم لما يطلو علينا يطلو متل الشتي
و لما يروحو يروحو متل الأنبيا
يا ريت الله تارك فيهن ضو منو متل ما ترك بالشعرا
حتى يوعى ضميرهن…
يا ريت بيقدرو يكتبو من دمهن و ما يتسلقو دم الناس و الضحايا حتى يحققو نفسن
يا ريت كلامهم ما ينكأ دايما الجروح حتى يعلي منسوب العصبية… يا ريت يعرفو شي يوم يبلسمو جروح الروح متل ما الشعر بيقدر …لأننا بالنهاية كلنا مجروحين…!!!
يا ريت بكونو متل الشعرا …بيظهرو هشاشتهن بدون خجل …ليكتبو اشيا تشفي هشاشة الآخرين و ما يستخدمو نقاط ضعفهم حتى يتكبرو و يستكبرو….!!!
