دق الصبح عالباب…
لمّا العتم زحلو…
يا وقت يا بوّاب…
باب السما افتحلو…
????
مرايتي قجّي
بوعى الصبح بكير ،بقلبها
و بسحب منا وجّي.
????
إنتي نْعسي
تا تفيق لْ حكايي،
يلا فتحي حلمك
أنا جايي.
????
قالتلك الغابي…
تشرين يا داقق على بابي…
نطرلك دقيقة يا حلو…
عم بشلح تيابي..
????
في بعد من عطرك نِدي و ضَمّي…
أكتر من الأيام مجنوني…
بنام حابِسها على تمّي …
بفيق حامِلها مع عيوني…
????
شي يوم لو شفتي القمر بالجو…
و اعي و ع تمّو ملعقة سكّر…
بيكون قرصن باسوورد الضو…
و حساب وجّك بالسما,تهكّر..
.
