تحيّة للقُرى الجنوبيّة الحدوديّة الصّامدة والمقاومة للاحتلال:
بأحـلى تـحـيّـة ببارك بهنّي
لمقاومتنا بزخمها الميمونْ
من الصّامدين بأرضن بفنّي
بقـدّملكـم عطر الشّعر طربونْ
وشو ما بيطلب هالـوطن مـنّي
ع ارواحنا وع دمنا بيمونْ
ساكن ببالي بأجمل تمنّي
مـفـتـون بـحـبّو أنا مفتونْ
بخيامنا لعلع رصاصنا يغـنّي
وشو استبسلوا أبطالنا بيارونْ
بـحـكـي الـجارة بـتـفهم الـكِـنّي
قـلـعـة جـبلنا الشّامخة مارونْ
تـمـنّي يـا بنـت جـبـيـلنا تمنّي
كـرمال عـيـنـيْـكِ مـرج عـيونْ
وعــيـن ابـل إلـها بـقـلبنا رنّة
وكـونـيـن والطّيري وبيتياحونْ
وعَـلْـمـا، رمـيـش تـرابهم حِنّي
ومـيس الجبل عيثا وعيثرونْ
ويـا عــيــن عــيــنـاثـا لا تـعـنّي
في لـك علـينا بالمحبّة ديونْ
كفرا بليدا ياطر وشيحين
شبعا الغجر تبنيننا وفرونْ
رشاف حدّاثا رامية وزبقين
يارين الناقورة ومجدل زونْ
بيت ليف الظهيرة ومروحين
شقرا وبرعشيتنا وأرنونْ
الجميجمة عديسة صفد حَانين
خربة سلم حولا ودير قانونْ
محيبيب دبل ومركبا وتولين
مجدل سلم وكفر كلا ويرعونْ
حاريص طلّوسة وصربّين
شاحين طيرحرفا وتلة الهليون
هالـمـنـطـقة شـقـفة من الجـنّـة
وشـعـبا بحبّ ترابها مجنونْ
بـيـركـب براس رجالها الجِنّي
لـمّـا بيـقرّب صوبها صهيونْ
وأبطالنا اللّي استشهدوا هنّي
ضحّوا تا يبقى نصرنا مضمونْ
وشقّوا طريق الشّوكة المُضني
ودفعوا مُهجهم للقدس رعبونْ
وأرواحهـن بــذلـوا بـلا مِـنّي
وخـطّـوا بـدمّـن للـوطن قانونْ
درزي ومسيحي جعفري وسنّي
حسين وزياد وخالد ومارونْ
وحَلَفِ العدوّ الحرب ما يتنّي
من شـاف منهـن بالقـتال فنونْ
واجـب عـلـيـنا عـنّـك وعـنّي
نحـفظ جهادن ب مُقل العيونْ
