أدب وفن
دْواق … عا بكّير / بقلم الشاعر ابراهيم شحرور
دْواق … عا بكّير
“””””””””””””
وْراق العريشِه ليش محمرّه ؟
من وين عم بتْجيب هاللون الجديد ؟
تخمين خبّرها العنَب مرّه :
أيلول جايي عَ العريشِه يمدّ إيد
وْراق العريشِه يتركا برّا
يعزم ولادو يعصرو عْناقيد
تَ تْصير خمرَه تنشرَب عَ العيد …
وْراق العريشِه ليش محمرّه ؟
من وين عم بتْجيب هاللون الجديد ؟
قبل العنَب مَ يْصير بالجَرّه
داقت نبيدو قبل مَ يْصفّي … نبيد
………………………………………….
الصوره بعدسة الفنان باسم نحله