كل الوفا انت وأكثر
والوفاء منك وصرت عم اكبر
وانشق الصبح وديباجته عزفت شعاعات نور وغنت فرح كلمة امي
امي ولو بعد خمسين سنة كبرت بتضلك امي وبضل طفلة صغيرة عم تتخبى وتشمشم ايديك
يا روح روحي انت وأكثر
لو بعد في أكثر كان النبع طاف وملى قنايات الضيعة وطفطفت ع ادراج العمر فشخة بنت نطنطت فوق جبين العتم بليلة قمر عم يخلق بضحكة ولد. بضمير بيعلي صوته فوق سطوح الظلم وبيصرخ امي
يا ريت بعدني صغيرة ودبدب بين اجريك وتحضنيني ويا ريت بعدني صغيرة وما اكبر الا بعيون الكل وتضل عيونك يا امي ولع ودلع وصلاة جفونك بالليل بيدعو لي الله يرضى عليكم يا اولاد بطني ووجع كبرنا وقهر شربنا وشو ما منحكي بقلبنا بتسمعوا دينيك
امي ولو بعد خمسين سنة كبرت بتضلك امي وبضل طفلة صغيرة
عم تتخبى وتنحني صلاة وتشمشم ايديك
