ظَلِّك مَعي
ظَلِّك مَعي
خَلّي القَمَر سهرانْ
خَلِّي الحَكي
يتَرغِل حَكي
عَ سطيحِة الجيرانْ
ظَلَّي احلَمي
وتْبَسَّمي
خَلِّي الصبايا
تغار من لَون الخَجَل
مْن حروف طَعمِتها غَزَلْ
عَ شفاف حِلوِة منَمْنَمِة
وكِلما تطلِّي عَ لْ هَدا
بتِسمَعي كيف لْ قَلِب
رَدّْ الصَّدى
بدقَّات كِلَّا حُبّْ
عَ وِسع لْ مَدى
نْ غبْتِ عن العينين
رَح قِلِّك … تَعي
رِدِّي غيابِك وارجعي
وتَـ يشِّح بالقَنديل
زَيت العمر
باقي مَعِك،
وباقية إنتِ معي !!!
