بلاد الزيتون
قالو شعلت هالأسعار
ومتلك يا شعبي ما في
لا قادر تطفي هالنّار
ولا سلعة فيك تجافي
من لمّاعلقنابأزمة
قتل وتشبيح وغربة
غابت من عنّا الرحمة
صارت عيشتنا صعبة
قصقصنا جناح البسمة
وماتت فينا لمحبّة
فصّلنا تياب العتمة
وقتلنا النّور الصافي
عايش مهموم ومحتار
شعبك ي بلاد الزيتون
مذلول وماليه العار
كلّو طفران ومديون
عنّا نفط يعبّي جرار
لسنين طويلة مخزون
لكن يا حسرة هالدّار
كعبا مصفرّ وحافي
مش هم نعيش بتعتير
إلنا ي بلادي الله
لكن قاسي وصعب كتير
تخونك هالدّنيي كلّا
والأصعب ..حضنك لكبير
فيه الفتنة تتجلّى
سرقو تاريخك بكّير
والعدل مطنّش غافي
في ناس من البرد تموت
وناس من الجوع بتدبل
لا لقمة جوّا لبيوت
البيت بفقرو عم يحبل
لا في نار ولا مازوت
ولا مسؤولك عم يسأل
جبرونا نحكي بِسكوت
خلّو القهر علينا يفوت
وقالولك أوعا تخافي..
