من كتر ما الورد انسقى خيبات
وقعت دموعو وأنبتت شوكات
وما عاد يبكي عا فراق الغيم
ولا عالصباح اللي سراجو مات
🎼🎼🎼
لا تبكي لو عبس هالغيم مرّة
وعتم هالليل نسّاك المسَرّة
شخص صادق إذا بيكون شمسك
رح يغنيك عن كل المجرّة
🎼🎼🎼
فكر دقيقة بناس بتحبن
إنك مفارق دمعتك تولع
قلبك يعتم لو ذكر بعدن
وتشعر كأنو الروح عم تطلع
🎼🎼🎼
لو قتلوا ورد المحبوب
بيعبق هالجو طيوب
وع قد ترابك أبطال
بيخلق ع أرضك يا جنوب
🎼🎼🎼
إيد النسيم اللي بتجمع طيب
تصافح الارض تجيب اغلى عطر
هيكي العامل عا إيديه يجيب
ويكتب قصيدة عمر شطر وشطر
