بتطلع فيك من الصورة

بتطلع فيك من الصوره،
ويمكن إكسر القزاز وإطلع لعندك،
عا مواعيد مش بالإيد.
عا ليل وسهر وعيون ما بتنام،
ويمكن قلّك كلمه ناطرها من زمان،
مع الوقت الهربان.
يا ريت أنا وإنت بالصورة.
وننسى حالنا جوات النسيان.

كيف بيبتدي نهاري ومشواري؟
يا قمر ما بيرتاح وما بيريحني من السهر؟
وانا عم غني لعينيك.
وبخاف عليك. وبسأل حالي:
قولك انا وحالي اي متى رح تجمعنا المواعيد؟
وهيك عم أنطرك
يا حبي الوحيد
وهيك #بحبك .

بوجودك معي.
الفرح بيكبر.
يا شمعة الوفا ووجه السعد.
ونور الليالي الصعبة.
انت بقلبي
وهيك #بحبك

وردة حمرا تا تزرعها
حد الشباك العالي
مطرح ما كنا نسهر.
والقمر يسمع ضحكاتنا.
ورده زهرية
تا تحطها بالمزهريه.
وكلما اشتقتلي
تحاكيها وتقشعني فيها .
وزنبقة بيضا
متل قلبي اللي بيحبك.
متل روحي
اللي بتتركني وبتروح لعندك وحدك بتروح…
وبتقلك يا امير الحكايه.
أنا وإنت الغنيه والورده المخمليه وربيع الأيام.
ورفيقنا القمر اللي ما بينام.
ولو ما كنت باحلامي بيصيرو غيم وشتي كل الأحلام.
وهيك #بحبك.

النهر بيروح لبعيد.
بياخدنا عالمواعيد.
وكل شي بهالغابه بيقول
إنت حبيبي
يا قمري الوحيد.
والطير بياخدلك مكتوب.
بالحنين مكتوب.
وتحت الشجره العتيقة نطرتك انا.
وعم قول يمكن
تمرق شي مره وتغمرني ويضحكولي عيونك.
وكلمة بحبك تصير السما والغيم الأبيض.
ويا ريت بتعرف
انو كل شي حلو انت.
والنغمه والبسمه
عا شفافي انت.
وما بدي من العالم كلو
إلا … إنت…
وهيك #بحبك.