عَ حجار هَالضِفِّة
في عِينَين ..
كانو زغار
شو الأخَدُنْ مِشوار ؟
يِمكنْ رَفّو لَلوَجَع نِتفِة
تاصَارُو كْبار ! ..
🌾🌿🌾🌿🌾🌿🌾🌿
هَالشامِة وِحياتَك إِلَكْ خِدها
بِتْغار مِنها حَبِّة اللُّولوْ
كِلْ مامَرَق هَاللَّيل تُومِيلوْ
تاعَلَّمِتْ بَوساتُوْ عَ خَدها ! ..
🌾🌿🌾🌿🌾🌿🌾🌿
كِيفْ الصَحُوْ ياقْلُوبْ بِتْشَتِيْ ؟؟
هَالكَوْن بِركِة شَوْقْ مَلِّيْها !
شُوْ نَقْوَد العَصفور نِدِيْ فِيها ..
صِرتي إذا من العَيْن توفِيْها ..
تْصِبّي قوافي المَيّْ تاسْكِرتي !! ..
🌾🌿🌾🌿🌾🌿🌾🌿
قَوْسْ القِدَح !
……………
بْتِفلُت صَابِيعا يْبَوّْسُوْ شَالُوْ ..
هَيْكْ السَما قَوْسْ القِدَح بِتْضِمْ !
وْلَمَّا الصَحُوْ بِيْغَيِّم خْيالُوْ
بْتِبْكِيْ السَما مِتلْ ال كَأَنَّا إِمْ !
الشاعرة ريم كبا
